NCA MP Reaksie
8/11/2022
19:30
Gewapende roof
Omstreeks 19H30 het 4 gewapende mans ‘n egpaar oorval en van hul elektroniese toerusting en bankkaarte beroof. Die een slagoffer was op daardie oomblik met hul daaglikse radiotoetse tussen Bure besig en kon nie daarin slaag om alarm te maak nie.
Al die radios is ook geneem.
Beide slagoffers was op die grond vasgebind terwyl daar voortdurend gevra is “waar is die geld jou vriend het ons vertel”.
Nadat die geroofde items geneem is asook die Egpaar se blou Nissan voertuig, het die rowers in die rigting van Trichardt gevlug.
Die egpaar kon daarin slaag om hulle te bevry en het omstreeks 21H00 alarm gemaak.
NCA Mpumalanga reaksie was onmiddelik versoek om te ontplooi asook Stratcon en Maverick.
Trichardt SAPD was ook onmiddelik van die gewapende roof in kennis gestel.
Omstreeks 21H22 is die voertuig verlate agter die winkel sentrum by Terra Nova terug gevind. Niemand is in die proses beseer nie.
Geen arrestasies is op die stadium gemaak nie en geen van die geroofde items is nog terug gevind nie.
Baie dankie vir almal se vinnige reaksie
